麥美恩嫌許文軒阻住晒
藝人麥美恩昨日身穿Deep V連身花裙出席活動，她表示剛出埠完成新一輯無綫節目《粵講粵（讚）鬼》，透露今次有全新主持陣容，包括緋聞男友許文軒（Edmond）、戴祖儀和鄧智堅。她冧笑指旅程中與Edmond增進感情，更自爆測試到對方：「原來佢係識做戲，仲以為佢有主持包袱。」
問到去年是否豬籠入水？她笑言不錯，成功建立到親切形象。至於感情生活，她則害羞說：「努力中。（唔係有Edmond咩？）佢阻住晒。（但你啱啱讚佢？）讚係要讚嘅。（咁佢爭啲咩？）男人要有突破、事業。」
講到近日在賀年歌《熱熱鬧鬧過新年》玩跌膊唱出歌詞「未嫁唔使攝灶罅」，她抵死笑指是自己心聲，又趁機鼓勵同齡女性：「如果好似我30幾歲都唔使擔心！」