陸永叉電線着火老婆個鼻救全家

藝人陸永昨日在社交網自爆手機的叉電線燒燶兼着火，連手機都過熱差點爆炸，幸好太太Reina醒目，全家才成功逃過一劫：「今朝瞓瞓吓陸太話房有異味叫醒我聞，我不嬲聞唔到嘢嘅，我話冇味，再瞓……隔多陣陸太再叫埋女兒simsim同姐姐入嚟一齊聞，佢哋都話有怪味，但唔知乜味，我再瞓……陸太並無放棄，畀佢搵到原來叉緊電話條線已經燒緊，條線個頭直頭燒到冇晒咁滯，我部電話就熱到即將爆炸，而部電話係擺正喺我床頭正正隔籬。」他特意留言多謝太太的嗅覺救回他一命：「也為世界挽救了一張美好的臉。」