回味索模強吻 許廷鏗：大個仔咗！
歌手許廷鏗於3月圓夢開處男紅館騷，昨日他到新城電台宣傳，重提於個唱記者會上被索爆巴西Model「襲嘴」，笑言心情已平復，重申當時表現尷尬因擔心相片出來似強吻索模：「經歷過呢件事，真心覺得大個仔咗！依家諗番起佢當日個動作好純熟、嘴唇又軟熟！」
許廷鏗似乎十分回味錫錫的感覺，卻說：「一次起半次止啦！睇番啲片覺得自己個樣好好笑，朋友睇完仲以為我做戲。」又大爆Fans反應激動，有人留言「That should be me」。問到可會在演唱會加咀Fans環節？他說：「成萬二人一齊咀要搞幾個鐘！（錫手背？）咁要招呼唔同價位嘅朋友，但去到紅館係冇保留，人生充滿驚喜！」
