藝人馬賽懷孕5個月，其好友胡杏兒、姚子羚及高海寧都戥她高興。曾邀馬賽擔任伴娘的杏兒坦言不知對方有喜：「係開心事，當然恭喜佢啦。依家佢住喺內地，少啲見面，但都有WhatsApp佢，恭喜佢生個豬寶寶呀！」而子羚說：「之前都恭喜咗佢結婚，但就唔知佢有咗BB，咁依家就雙喜臨門。佢喺內地生活得好好、好開心，希望佢幸福快樂。」高海寧亦說：「之前同佢少聯絡，如果係都恭喜佢。」