「木偶Billy」對選美有份執着，屢戰屢敗！不過畀佢選到又如何？都係要捱騾仔過日子，又零知名度，每次出活動都要經理人介紹先有人認得咋，佢份人又唔Social、講嘢又冇氣冇力，要突圍而出簡直係難過登天！
不過，有次喺大型晚宴上見木偶Billy以「Full Gear」上陣，向眾人展示最偉大嘅胸前，以為佢「醒覺」啦，點知佢臨行出去Backdrop見記者嘅時候，突然毫無預警急煞停低，成碌木企喺門口唔出聲，工作人員上前只係見佢雙手抱喺肚前，就問佢係咪唔舒服啦？點知佢神回：「我個Nude Bra跌咗落嚟！」當堂嚇窒個工作人員，即刻拉走佢處理，執生技能完全零分，證明參加選美都唔一定係美貌與智慧並重！
