陳庭欣惡補攻略拜年見家長

藝人陳庭欣、Neway太子薛世恒與東華主席王賢誌及應屆港姐前晚出席《歡樂滿東華2018》晚會。陳庭欣被問到新年是否要到男友家拜年？她笑說：「年初一要幫有家室嘅同事頂更做《東張西望》，咁多年屋企人都習慣晒，可能初二先去男友屋企拜年。（明年出嫁就可搵番同事頂更？）我驚同事會頂我呀，出年先算啦！（拜年怕唔怕親友催婚？）佢哋之前唔會問我，但我都會上網惡補啲拜年攻略，學吓點樣應對。」
陳庭欣農曆大年初一要開工，未能去男友家拜年。
陳庭欣農曆大年初一要開工，未能去男友家拜年。

王賢誌透露下月在灣仔新伊館舉行大型晚會為癌症基金籌款，更找來一班好友草蜢、關淑怡、許廷鏗、關楚耀等演出，碌爆「友情卡」。問他為何不找表哥鄭嘉穎表演？王賢誌笑說：「佢唔係我朋友嘛，最近少聯絡，佢好難搵o架，佢都要睇住老婆啦！」日前為慈善演出傷腳的薛世恒表示已拆石膏，希望傷愈後下月可到日本滑雪。

王賢誌前晚在東華活動中與幾位應屆港姐碰頭。
  • 王賢誌前晚在東華活動中與幾位應屆港姐碰頭。