周秀娜出埠冇錢開大

女星周秀娜昨日在港出席護膚品牌活動，分享南美洲之旅的所見所聞：「去咗三個星期，有水土不服，又唔見咗行李。」並指玻利維亞較落後，整個行程都覺得自己很污糟：「雖然有得沖涼，但日日着住嗰件衫。去到天空之鏡仲大鑊，因為嗰度好大，景點同景點之間距離好遠，我嗰日又肚屙，每去一次洗手間都要畀錢，咁啱我哋三個人身上都冇現金，好彩遇到一個好好嘅香港人，我屙唔屙到都真係靠佢！」