胡定欣新一年「試婚」

胡定欣與林淑敏、毛舜筠、堪輿學家麥玲玲、前港姐謝寧等昨日現身維特健靈25周年紀念酒會，毛舜筠因病失聲未有接受訪問。定欣表示希望新一年有新開始：「唔好話賺幾多錢，而係追求質素，我上年有好多新嘗試，又拍電影同舞台劇，希望今年有突破，試啲未試過嘅嘢。（試吓結婚？）順其自然。」對於前緋聞男友張振朗被本報獨家踢爆跟楊偲泳拍拖，她避而不談，只說：「今日咁健康嘅活動，就講番活動嘅嘢啦！」

林淑敏想繼續豐收

至於剛奪得最佳女配角的「大小姐」林淑敏被指廣告多多，她笑言：「可以再多啲，2018年真係大豐收！係入行以來最好，好多謝遇到咁好嘅角色。」她回想當年患乳癌時，幸得品牌邀她出任代言人，可省下一大筆錢，十分好彩！又說現時已完全康復，會Keep住每半年定期檢查。

林淑敏重拾健康、工作又多，直情雙贏。	毛舜筠不適失聲，幸精神不俗。	謝寧與女兒岑寧童甚少一起露面。

謝寧女兒做幕後

此外，謝寧與女兒岑寧童一同現身，岑寧童現時擔任副導演工作，並碌盡人情卡找家人在戲中客串，謝寧坦言心痛女兒工作辛苦：「但佢嘅性格適合做幕後工作，所以鼓勵佢入行。」

而麥玲玲指豬年娛樂圈是年輕人天下，且喜事多多，之前她批中黃翠如結婚，問到對方是否有機會豬年添丁，她說：「有機會，我之前傳短訊畀翠如，我話已經批中你一樣，希望中埋第二樣，快啲有喜，佢話承你貴言。」