黎學勤狗狗洗腦唔認主人
旅遊達人兼廣告男神黎學勤（Jeffery）經常飛到世界各地公幹，他亮相東網巨星節目《巨星Pet Pet》，自爆因長時間在外國工作，回港時曾慘被愛犬Bambi遺忘：「試過有次出Trip，我諗住一開門佢會衝出嚟，點知佢直情唔認得我，一開門嗌『Bambi』佢竟然走開，仲好驚我，最後用咗成個鐘先認得我，搞到我勁心痛！」
其實善忘的Bambi有窩心一面，Jeffery笑說：「試過帶佢去公園同啲狗朋友玩，我行出去入錶，點知佢以為我唔見咗，沿路跑足四分鐘路程嚟搵我，嗰下真係好冧、好開心！」《巨星Pet Pet》每集均請來不同藝人帶同星級萌寵亮相，包括林夏薇、陳庭欣及區文詩等，讀者可透過東網App或東網網頁，隨時隨地免費收看及重溫節目。
https://bit.ly/2C6kSik