關智斌齋着底褲通屋走
現年38歲、在內地有「神州第一美男」之稱的關智斌（Kenny）昨日出席機動戰士活動，透露為方便好友鄭希怡（Yumiko）隨時到其豪宅的Gym house，已代為申請住客證，令保安誤會Yumiko是其女友：「終於有緋聞女友，不過係人妻。」
拍片公開家門密碼
他笑稱歡迎好友自行出入其寓所，但有要求：「上嚟前要早五分鐘通知我，畀我着番條面褲，因為我喺屋企係着住底褲通屋走！」問到若亂闖其家會否造成不便？他竟自爆全公司同事都睇過他全相：「佢哋幫我換衫，有乜未睇過！平時我都通街換衫。（全相喎？）有着底褲，冇所謂啦，我嘅身體係屬於大家嘅。」
除了不介意騷Body外，Kenny竟然連家門密碼也在網上公開，他說：「喺屋企拍咗條煮食片，屋企大門密碼寫咗喺告示板度，我拍片時上埋網，知道後即改密碼！」