擇偶要求高 姚子羚等艷遇
藝人姚子羚昨日出席第24屆海洋公園保育日啟動禮，支持「為海洋．走塑行多步．LESS膠！」，提到近來多接環保工作，她說：「平日開工我習慣帶齊食具，好似膠盒、咖啡杯、筷子、環保飲管，好開心搵到李施嬅同我相同諗法，之前一齊去東非睇大象孤兒院。連我媽咪都做到，將垃圾分類，唔係就咁放落環保箱，係親手送到去相熟嘅機構，我哋分類做得唔好，媽咪都會鬧。」
曾揚言想在白色情人節前找到另一半的她，無奈表示尚未找到合適的人：「定係去海洋搵？目前未搵到，首要佢要鍾意動物，同唔介意同我一齊食素，去旅行唔止淨係去Shopping，去多啲大自然地方……要搵咁嘅男仔可遇不可求。（日子再押後？）可能去到明年，冇特別去諗，可能旅途上遇到呢！」