馬德鐘大豐收等續集
馬德鐘、張曦雯、劉佩玥、何廣沛與高層曾勵珍等慶祝無綫劇集《跳躍生命線》在台慶頒獎禮囊括多個獎項成大贏家，前晚在尖沙咀筵開八席慶功宴，「視帝」馬德鐘直言去年大豐收，問會否開拍續集？他說：「未具體傾，睇公司安排。（今年再拍無綫劇？）未有具體方向，最重要睇劇本同時間。」
何廣沛奪得「飛躍進步男藝員」獎項後被問到可有加價？他笑說：「加價就唔會，因為同經理人商量過，驚加價會冇人搵我做嘢，所以都係密食當三番。攞獎後多咗好多工作，希望過肥年。（買樓？）目標係搬出嚟租樓住，試吓獨立生活。（同朱晨麗夾份買樓？）冇諗過呢樣嘢，只係想搬近啲公司。」劉佩玥被問到可有置業打算？她笑說：「未有耐，但都想搬出嚟住，依家就暫時做住『啃老族』，住屋企、食屋企先，不過我會畀多啲家用，媽咪會幫我儲錢投資。」
