陳庭欣爆男友：問婚禮點搞

藝人陳煒、陳庭欣（Toby）、江嘉敏、黎諾懿和新進組合MIRROR等昨日出席慈善步行，馬德鐘因病臨時缺席。Toby與男友早前被拍到在工展會甜蜜巡舖，她說：「我每年都有行。（以老闆娘身份去？）唔係，以市民身份支持。（咁高調拍拖，係咪好事近？）我唔係高調，但唔會好似以前咁逃避。（計劃結婚？）我個人未，但男友久唔久就會唔小心咁提一兩句，問我有冇諗過將來婚禮點搞。」
陳庭欣（左起）、陳煒和江嘉敏鬥嬌俏。
陳庭欣（左起）、陳煒和江嘉敏鬥嬌俏。

陳煒對於前東家亞視再度裁員，她坦言有留意報道：「我仲有啲幕後朋友喺亞視度做，當然希望唔好（裁員），就快過年，年尾流流會比較徬徨。」

現場以MIRROR風頭最勁，有半百粉絲撐場，對此他們謙稱：「多謝朋友畀面，佢哋太熱情，喺港鐵已經捕獲我哋。」同場的無綫高層樂易玲也讚MIRROR靚仔，笑言無綫不乏小鮮肉，也可以組隊。

黎諾懿為慈善出一分力。
  • 黎諾懿為慈善出一分力。
MIRROR聲勢浩大，召集到半百粉絲撐場。
  • MIRROR聲勢浩大，召集到半百粉絲撐場。