「視帝」馬德鐘昨日以濕身透點造型在柴灣以七位數字拍攝手錶廣告，問到可因攞了視帝而加價？他笑說：「同品牌已經合作咗5年，其實係攞視帝之前已經續咗約，客戶亦都好好主動加價，咁攞咗獎亦都可以幫助到品牌，有時候唔需要計算咁多。」他坦言得獎後接獲不少工作，也加了少少價，不少客戶更主動提出加價。

以往拍廣告馬德鐘多以西裝骨骨造型示人，今次濕身造型對他挑戰十分大，他笑說：「我好少呢啲造型，所以都諗吓林峯會擺咩甫士呢，應該要Let's get wet喎，哈哈。（會接受更性感嘅造型？）再露多啲就要畀啲時間操吓，因為自己平時都係健康做運動喼弗，好少勁操，依家都只係瘦咗有啲線條，好過之前肥仔咁樣。」對於兒子親手整朱古力蛋糕慶祝他得獎，感到開心及覺得誠意十足。