o靚模界「女神」陳靜感情未有着落，她直認不懂得拍拖，從前談情說愛不會為另一半付出，自嘲是個衰女朋友，更為此感到後悔，她又澄清私生女傳聞，笑說：「自己都覺得似樣。」

有樣有身材的女星陳靜（DaDa）為東網巨星節目「海馬牌床褥特約」《閨蜜睡房》擔任嘉賓，與主持李惠儀（Kiwi）分享她的感情世界，聲稱目前單身的她覺得自己唔識得拍拖：「喺以前拍拖嘅經驗裏面，人哋為我付出多啲，但感情應該互相付出，唔可以單向，所以我咪唔成功囉！」

她坦言以前成日覺得工作、家人最緊要，男朋友永遠只會放在第三位，她自嘲：「我係一個幾衰嘅女朋友，其中一個男朋友，我曾經對佢好差，佢一路都喺度等待我嘅角色（女友），唔可以淨係對方為你付出，因為咁樣有一方會好攰，我都好後悔。」

暫時DaDa未想到結婚生仔問題，不過講到小朋友，她的姨甥女長得好得意，還跟她很似樣，她笑說：「我要澄清呀！真係好多人話佢係我私生女，我自己都覺得似，其實佢好似我家姐，只係我冇公開過我家姐個樣啫！」想知道更多DaDa的秘密及當日任性宣布退出的事，千萬別錯過逢星期五、六、日更新的《閨蜜睡房》。