林雅詩肥到Big爆衫
藝人林雅詩（Grace）昨日孖緋聞男友兼老闆馬天樂到有份投資的3萬呎燒烤場，為除夕夜舉辦的動漫Cosplay派對拍攝造型照，Grace以性感忍者打扮現身，又不時烏低身燒嘢食，大騷驕人事業線，極度吸睛！對於造型，她笑住自爆本來着另一套衫，但逼爆拉鏈︰「最近成日試菜食燒烤嘢，搞到肥咗3磅，都幾大鑊！今日係做人辦示範。（到時有更性感打扮？）要再搵吓衫。」
馬天樂自爆今次投資了8位數字：「Grace都有份投資。（幾多位數字？）佢自己個人就係，有利潤佢就有得分。」Grace聽到即時甜笑，又透露除夕夜要連跑兩場：「嗰日完咗呢度Party就直接返內地出騷。（收穫豐富？）開心嘅，但可以再努力啲。」