蘇韻姿溫泉大解放
藝人蘇韻姿在無綫處境劇中飾演品學兼優的「學霸」兼乖乖女熊心如「紅衫魚」上位，形象健康鮮明。早前，她與家人到日本旅行卻來個大解放，以比堅尼上陣露事業線浸溫泉，大騷本錢。
蘇韻姿（Andrea）參加《2016年度香港小姐競選》入行，之後一直留港發展，並忙於拍攝處境劇《愛．回家之開心速遞》，因她請不到長假回加拿大探親，故早前特意請家人去日本旅行，盡享天倫樂之餘，又可以提早慶祝聖誕！
私人溫泉闔府統請
Andrea表示：「屋企人好好，佢哋飛嚟香港再同我出發去日本。（用咗幾錢？）都成五位數，但有部分係我出，有部分係同細佬夾份，其實大家都冇乜點買嘢，真係spend time一齊比較多。」她透露此行訂了私人溫泉酒店，可以跟家人齊齊浸溫泉，她還來個性感大解放，穿上比堅尼拍照留倩影，大騷誘人身段，不但輕露事業線，更不經意行「股惑」，夠晒吸睛！對此她笑言：「因為知道浸溫泉要男女分開，所以特登book一個私人溫泉等大家可以一齊浸，如果分開嘅話，呢個家庭旅行就冇意義。」
