今日是普天同慶聖誕節！很多荷里活名人紅星都趁假期出埠度假，美國著名真人騷男星Scott Disick日前就「一拖二」，偕舊愛Kourtney Kardashian及現任模特兒女友Sofia Richie，帶埋子女一同到墨西哥過熱辣辣聖誕！日前三人被影到一同曬太陽，Scott絕對享盡齊人之福！
Scott不忘在社交網貼相晒命，並留言說：「三人行，夫復何求。」而索女友Sofia亦上載三點式照片，大晒弗爆身材！雖然現年39歲的Kourtney比Sofia大19年，但拍埋去身材亦唔輸蝕！而Kourtney妹妹Khloe亦於社交網留言大讚家姐和Scott是共同撫養子女的家長典範，因為大家都以仔女行先，係愛的表現。
另方面，Kourtney日前在社交網公開性感照，卻被網友懷疑她P圖，留言笑她隻腳唔知去咗邊，亦有網友問她係咪得番一隻腳。不過，有粉絲維護她指只是裙子剪裁問題，令雙腳看來「變形」。除了Kourtney出埠外，巴西超模Alessandra Ambrosio前日亦同女兒返家鄉過熱辣辣聖誕，兩母女更着同款三點式合照。至於美國樂壇天后瑪莉亞卡里（Mariah Carey）就與舞蹈員男友Bryan Tanaka及一對子女到滑雪勝地阿斯彭度假，並在Instagram分享滑雪照。
至於留國過節的英國萬人迷碧咸（David Beckham）昨日趁平安夜放自拍照，見赤裸上身的他化身聖誕鹿賣萌，並留言祝粉絲平安夜快樂！而日前他在倫敦被影到駕駛新買的Aston Martin名貴跑車，莫非是送給自己的聖誕大禮？
而美國饒舌天王50 Cent日前亦豪花343萬港元買了豪華房車送給自己做禮物，並不忘在社交網炫耀一番，騷完單據和車匙後，再大晒他坐上車身的照片，並寸嘴留言：「如果我喜歡，我就會買，如果你唔喜歡，你就唔好睇。」