內地藝人朱一龍今年憑網劇《鎮魂》，極速成為人氣男神，廣告、劇約不斷；相反，昔日內地人氣王鹿晗自去年公開認愛後，聲勢大不如前，為保「錢途」決加入電競行列搵銀，組成電競隊LSTARS，與周杰倫、陳赫等齊齊靠打機搵大錢！
現年30歲的朱一龍入行十年，因網劇《鎮魂》爆紅，微博粉絲數目突破千萬，短短數個月狂接多個知名品牌廣告，吸金近千萬元！今年7月更於「藝人新媒體指數」撼贏迪麗熱巴及楊冪登冠！
早前朱一龍上內地綜藝節目《快樂大本營》時，需要集資人民幣10萬元（約11萬港元），其粉絲團隊即在網上號召，不足一小時便籌得人民幣59萬元（約66.5萬港元），遠超目標，由於一小時內存入金額太多，最終要強制關閉戶口，他即時退還金額，如此有號召力，足證人氣鼎盛！
朱一龍風頭一時無兩，連昔日內地人氣王鹿晗都要「企埋一邊」，自去年10月他於網上認戀內地女星關曉彤後，有指人氣持續下滑，工作亦受影響，不過，既然公開戀情他亦預計了當中風險，除了演藝工作搵食外，出名愛打機的他早前公布踩入電競界，成立專業電競隊LSTARS，將興趣變成「錢途」！電競熱潮現時席捲全球，市場龐大，電競選手、直播、周邊產品贊助收入十分可觀。其實除了鹿晗，王思聰、陳赫都加入了電競生意行列，周杰倫更早已成立「Ｊ戰隊」，加碼投資2,000萬元於深圳開設「魔杰電競館」，由此可知商機無限，鹿晗加入，分分鐘好搵過拍戲。