同古仔HeHe冇親熱戲 方中信：個女唔畀
影帝古天樂（古仔）、方中信與導演劉偉強等前晚出席新片《武林怪獸》首映禮，方平與太太鮑起靜、丁子高及太太楊千嬅現身撐場。古仔首映後隨即趕往拍通宵戲，加上近日天氣不穩令拍攝進度受影響，故他未知能否抽空出席稍後的樂壇頒獎禮：「又飛車又槍戰，早幾日我都有跌傷同擦傷。（之前做完大手術仲咁搏？）醫生叫我唔好郁咁多，奈何呢份係我嘅工作。」
據知，客串演出的方中信與女角郭碧婷爭奪古仔，HeHe味濃，難怪方中信笑說：「本來我想做女一，結果被導演安排做太監，但幾好玩。（同古天樂冇親熱戲？）唔好喇啩！幾十歲人，我個女唔畀！」他又直言最近迷上跑山，每朝五時許起床晨運：「變咗阿伯，唔跑唔安樂！今朝（前日早上）冒雨都去，跑到底褲都濕晒。」雖然愛女正放聖誕假，但由於家中近日新收養了一隻狗仔，全家惟有留港照料。他又指下月將與「跑友」周潤發開拍新戲，且有大量對手戲，十分期待。
