「池美麗」鍾凱琪交友app溝仔怕遇騙
劇集《愛．回家之開心速遞》中飾演「池美麗」的鍾凱琪，向心儀的「秦博思」馬貫東發動追求攻勢，但現實的她卻是被動型，拍拖次數五隻手指數得晒！Dry逾10年以上的她坦言，從未與男友過聖誕：「多數都係攬住隻貓過！冇情人咪同屋企人過，舊年請屋企人食黑毛和牛火鍋，埋單嗰刻好開心，因為我請到佢哋食好嘢。」
她又透露不少好友透過交友app覓得真命天子，但自言害怕捲入網上騙案：「你哋見到我身形，可能會被Sell健身、減肥、美容同保險，但真係想試玩呢啲app，又好怕畀人呃。（咩類型先能打動芳心？）我唔會咁Set死，但一定同對方相處落有Feel。（小鮮肉得唔得？）上限15年啦！我好驚有代溝。（主動出擊？）我屬於唔出聲嘅類型，會將對佢嘅感覺，同隻貓講自High。」