何韻詩淋雨開騷運內功
歌手何韻詩前晚在科學園戶外舉行第三場騷，演出期間落大雨，阿詩冒着漏電危險與歌迷齊齊濕身。淋濕的她滴住唱，見歌迷反應熱烈更愈唱愈High，歌迷擔心她樂極忘形滑倒，不停叮嚀她小心。完騷後，工作人員即時用毛巾包住她，以免她冷病。
阿詩承認違反製作組要求：「製作組好擔心，因為會有漏電機會，成個感覺好似ColdPlay（英國搖滾樂隊）演唱會咁，喺香港好難有咁嘅氣氛。其實有部分器材被淋壞咗，好彩順利完成個騷。」事前她已叮囑粉絲自備雨褸，見到大家玩得開心，她亦興奮，又笑言有宿命：「我係愈唱愈㷫，超High，係凍嘅，不過一路唱一唱跳，加上內功深厚，遇到大風大浪就會發揮小宇宙，我條命係咁！」