歐詠怡難得「放監」老蘭獵艷
又到聖誕，模特兒歐詠怡（WingWing）、演員湯沛宜（ToTo）及o靚模張若錡（Angus）扮成索爆聖誕女郎，單身的她們笑言沒機會在平安夜失身，WingWing自爆家教嚴，ToTo則要走幾場活動。
身材驕人的宅男女神WingWing、ToTo及Angus換上性感聖誕女郎服，大騷事業線，為Fans帶來暖笠笠的聖誕！WingWing指家教向來甚嚴，佳節大多不准出夜街，咁大個女只曾兩次到蘭桂坊感受氣氛，把握機會識男仔：「記得都有識到，但當然冇過火行為啦！（怕唔怕畀人灌醉？）我酒量都幾好，而且會同姊妹一齊，亦要早啲返屋企。」而Angus憶述最難忘的聖誕是過節前畀仔飛，又跟一對對情侶食飯做電燈膽，分外傷感！
Party queen跑幾場
有說平安夜是「失身夜」，三女都表示單身，不會亂找對象。ToTo認為若兩情相悅就沒問題，但笑言自己沒有機會：「我係Party queen，一晚要走幾場活動，失身都冇時間！」而Angus透露近期忙學業及籌備下月出版的寫真，未有時間拍拖。
慶祝不忘做善事
受訪當日，三女為網上平台「巧鬆啲」拍攝搞笑又有訊息的短片，表面上是性感火辣的聖誕女郎，實則心地善良，準備為孤兒院及老人家寫聖誕卡，而WingWing本身更有助養非洲兒童，希望大家佳節玩樂之餘，亦不要忘記幫助有需要人士。
場地：Penthouse Party