趙哲妤全天候黐囡囡拖手入大學
藝人趙哲妤（Uny）早前帶兩歲女兒趙真羽（小魚）學整聖誕甜品，表示今年是第一年跟女兒慶祝聖誕，回想起前年聖誕前夕囡囡在馬來西亞早產，她說：「嗰時我做緊水中瑜伽，感覺到佢想出世，好似一條魚咁游出嚟，小魚呢個名就係咁嚟。佢出世得4磅幾，好緊張，屋企人又唔喺身邊。上年聖誕之後小魚準備做人工耳蝸大手術，唔能夠病，要避免出入多人嘅地方，所以上年囡囡幾乎冇乜出過街。」
「每一刻都諗住佢」
小魚一度雙耳全聾，最近逐漸回復聽力，對Uny來說是最好的聖誕禮物。整甜品當天，小魚雖未能講完整句子，但不停發聲好想講話，且相當為食，邊整邊吃，最搞笑是臨尾表現得冇耐性，原來是太眼瞓！
Uny希望女兒成為承擔到社會責任及身心健康的小朋友：「我同小魚有個承諾，除咗工作同返大學外，我會親力親為照顧佢，每晚同佢瞓覺，寧願自己減娛樂時間，陪佢係我最鍾意做嘅事，每一刻都諗佢先。到依家大少少，希望所有活動帶埋佢，廿四小時黐埋，將來手拖手一齊行18年，睇住佢入大學。」
