朱晨麗台慶失威獅城贏番鋪
無綫藝人朱晨麗（朱朱）今年表現出色，由劇集《平安谷之詭谷傳說》、《特技人》到《兄弟》，最近又忙於拍攝劇集《法證先鋒IV》，前晚她抽空飛到新加坡出席《星和璀璨星光夜》頒獎禮，失落台慶獎項的她獲頒「星和TVB最喜愛角色」，更與「王后」秦嵐同場攞獎，可喜可賀。
朱朱此行除擔任頒獎嘉賓，還憑《特》劇「May豬」一角獲得「星和TVB最喜愛角色」，人氣獲得肯定！她在前輩許紹雄手中接過獎座，感動地說：「好榮幸可以喺咁多強勁對手中奪得TVB最喜愛角色獎，感謝大會頒贈呢個獎畀我！」
馬德鐘人氣強
她笑指許紹雄頒獎之餘，亦不忘整蠱她：「好好笑，一直話睇唔到得獎者字幕，搞到好耐先宣布我上台，上到去又同我傾一輪，之後佢落台我先可以講致謝詞，點之佢又想上嚟同我傾偈，好多謝佢將個氣氛搞到咁輕鬆，令我冇咁緊張，同埋本身都欣賞佢，好幸運之前同佢拍完《多功能老婆》就有獎。」同場的馬德鐘亦獲頒「TVB年度最強人氣藝人獎」。
早機去晚機返
現場不乏內地、台灣及韓國藝人，韓星李準基獲得「最受矚目亞洲男藝人獎」、內地劇《延禧攻略》王后秦嵐獲得「最受矚目亞洲女藝人獎」，劉以豪則獲「魅力閃亮之星獎」。頒獎台上，朱朱與秦嵐並肩而立，也趁機閒聊，她說：「佢有講番拍《延》劇只係用咗一個月時間就完成，因為趕住有其他嘢做，真係好勁！王后好斯文，講嘢細細聲，好開心有機會見到佢。」
朱朱行程緊密，早上六時抵達新加坡，頒獎禮結束後即趕搭凌晨機返港繼續開工，但她坦言累得十分開心。