陳敏之吳若希爭住同Bob對親家
藝人陳敏之、吳若希及組合農夫等昨午到荃灣出席無綫《Big Big Re-gifting Day拆動愛啟動禮》，敏之與若希兩位靚媽不約而同表示會帶子女與其他小朋友開聖誕派對。吳若希笑說：「帶囡囡去林盛斌（Bob）屋企，佢個細仔可以一齊玩。（對親家？）嫁到入佢屋企就發達喇！」敏之亦雀躍地說：「我個仔都鍾意姐姐（指Bob幾個女），佢返Playgroup會挨住啲靚姐姐，我就會話佢唔得咁！」
陸永晒命有女攬
敏之又爆囝囝愛車：「玩具車依家係佢嘅生命。（大個做賽車手？）唔知，但佢一定會揸車。」談到是否想再懷孕，她說：「養好身體先，要開始（追）喇！我都擔心年紀漸長照顧唔嚟，睇天意啦！」吳若希被問追B則笑說：「話唔定聽日就話有咗。」
而農夫成員陸永指早前太太去旅行，他要充當帶女洪郎，如今太太「回歸」，他得戚地說：「以前囡囡見到我唔打招呼，依家衝埋嚟攬住我，又攞意粉入房畀我做早餐。」