傅嘉莉遇怪客癲埋一份

傅嘉莉除了積極拍劇外，近年更與好友創立自家頭飾品牌，向商界及潮界發展。繼中環店後，Kelly的頭飾品牌最近進駐荔枝角的商場，身為老闆的她當然着緊生意，一有空檔便親自落場打躉，更獲不少圈中好友畀面撐場。

落足嘴頭

日前便見Kelly身穿牛仔褲和衞衣、盤起頭髮，與拍檔一早在荔枝角店內打點，見她親自搬貨，雙手抱滿貨品，顯得有點論盡，行得小心翼翼，接着將貨品逐件取出來擺在飾物架上。未幾有名女客人駐足欣賞，似乎對頭飾甚有興趣，Kelly即時落足嘴頭Sell客，講到手舞足蹈。

傅嘉莉親力親為搬貨，顯得有點論盡。	臨走時，傅嘉莉攬攬楊潮凱和黃嘉樂。	黃嘉樂（右）

其後，好友楊潮凱及黃嘉樂突然現身，令Kelly十分驚喜。見三人雞啄唔斷密密斟，之後Kelly都不忘盡老闆責任，向兩人介紹產品，兩個大男人拿起頭箍細心研究，又拿出手機逐一影低實物，不時詢問Kelly意見，看來人夫潮凱與有個拍拖多年女友的嘉樂有意揀禮物給另一半。

送抱謝老友

正當Kelly認真講解，兩男突然整古作怪，將頭箍放在額頭前變Headband，又將頭箍遮眼當黑超，Kelly見狀也忍俊不禁，三人笑作一團，之後Kelly與拍檔跟隨他們一齊惡搞，最後四人「盲」拍留念。吹完一輪水，潮凱與嘉樂均自掏腰包買頭箍撐好友，然後跟Kelly攬攬告別！