懶理馬國明「老婆本」抽獎 黃心穎未想收婚戒
藝人黃心穎昨日出席商場聖誕活動，一身紅色入膊連身裙非常吸睛！她透露曾擔心聖誕要為新劇開工，最終沒有通告，但可惜沒有人約，問到男友馬國明可要開工？她說：「佢都係開朝早，但聖誕當晚約咗一齊睇演唱會。（係咪第一年一齊過？）上年我唔係好記得，好似係一班人一齊過，佢都喺度嘅。」
對於馬國明日前於慶功宴上表示拿了老婆本出來抽獎，故暫不會結婚，心穎說：「個老婆本關唔關我事都未知，唔相信佢得咁少錢，應該儲埋好多！我哋財政好獨立，畀啲自由空間大家。」又指已買定聖誕禮物給男友，但未有要求回禮：「我鍾意收卡多啲，但佢應該都會送禮物，想佢送唔實用嘅畀我。（求婚戒指？）呢個唔使住，太突然，我唔想聖誕收呢樣嘢！（咁情人節囉！）都唔得，要喺冇乜節日嘅日子。」