方媛佗第二胎扮靚冇走樣

天王郭富城日前宣布太太方媛（Moka）再度有喜，一向貪靚的她雖佗着第二胎，但無阻扮靚心情，日前便現身髮型屋修剪一把長髮，準備迎接新一年。Moka的髮型師事後將合照上載至社交網，相中見Moka刻意收起孕肚，只拍下大頭照，但未見有水腫問題，依然面尖尖兼精神飽滿，果然是得天獨厚的靚媽。除了畀Like外，她又留言多謝髮型師護理其頭髮，並自言要到明年才能回來染髮，看來她不敢打破「孕婦不能染髮」的禁忌，乖乖等到明年生B後才染髮，絕對是位好媽媽。