阿Sa裸背出浴處女獨白
藝人蔡卓妍（阿Sa）主演英皇電影《非分熟女》毫不錫身，首個預告片曝光，她於浴室全裸背對鏡頭，濕透的身軀更有所動作，再配合獨白：「我結咗婚，除此之外，我冇嘢可以形容自己，我根本唔知自己係邊個，又或者我將自己變成咗一個連自己都唔認識嘅人……」尾段再補上最爆炸性的話：「結咗婚4年，依然係處女！」將角色的壓抑心情表露無遺。
無限想像空間
對於演出引起觀眾熱話及有「莫大的想像空間」，阿Sa從容表示：「我冇諗咁多，由開始接拍呢套戲，已知角色係點，需要點樣演！」她又透露：「角色喺（性）呢方面有啲問題，但未至於性冷感嘅。前面黐晒嘢，好安全，不過當日拍咗好幾個角度，效果都幾震撼！」
她又寄語觀眾不要戴有色眼鏡，了解整齣戲的訊息就會明白這場戲：「歐洲電影啲觀眾甚少會將焦點放喺類似場面，會認真咁睇戲，香港觀眾接受程度都比以前高咗好多。」
