麥玲玲預測「如楠」生豬BB

連續四年為「維特健靈」擔任代言人的堪輿學家麥玲玲，昨日拍攝新一輯廣告。講到娛樂圈24小時內爆發連番喜事，她笑言早已預知蕭正楠及黃翠如的婚事：「喺10月睇過佢哋兩個嘅命盤，一睇就知佢哋結咗婚，但就梗係唔講出嚟啦！點知蕭正楠自己爆出嚟，都有打畀翠如恭喜佢，話畀佢聽知佢哋偷偷哋註冊，希望第二樣嘢都準埋啦！（生B？）預計明年會添丁！翠如聽到都好開心，仲話承我貴言！」
麥玲玲被一班學生哥集郵。
麥玲玲被一班學生哥集郵。

提起老友農夫成員C君快將「拉埋天窗」，她再爆會贊助C君酒席，認真大手筆：「佢搵咗我擇日，一講完贊助酒席，點知佢就真係Book咗四季（酒店）！（全包酒席？）睇吓佢擺幾多圍先，OK嘅，係開心事。」昨日亦是鍾欣潼的註冊大日子，玲玲贈言：「如果佢哋要生B就要好好努力配合時間、出Trip，海外造人機會易啲。」

蕭正楠、黃翠如被批明年會做父母。
  • 蕭正楠、黃翠如被批明年會做父母。