蔡思貝戥張衞健唔抵：佢功不可沒！
張衞健失落無綫「視帝」，劇中太太蔡思貝與楊秀惠皆失望到爆，戥他不值，思貝認為他再掀起追劇潮，功不可沒，而秀惠則說：「佢永遠都係我哋心目中嘅視帝。」
無綫藝人蔡思貝、楊秀惠、洪永城及曹永廉等昨日在深水埗出席無綫劇集《大帥哥》之「開倉派米 與民同樂」活動。《大》劇播出短短日子，口碑、收視皆好，令主演的張衞健突然殺出成為台慶頒獎禮視帝熱門，但最後整套劇卻捧蛋收場。
對於張衞健失獎，劇中兩位太太表現得最失望，蔡思貝說：「好唔開心，我覺得『大帥哥』攞視帝係實至名歸，因為佢特登返嚟拍劇，同埋帶起番睇電視劇嘅情懷，因為佢令好多人都重新睇電視，功不可沒。」
洪永城冧爆講女友
而楊秀惠認為劇集沒有獎也沒所謂，但張衞健失落視帝令她很心噏：「我哋冇獎冇所謂，但佢係一個好好嘅前輩，好有才華，佢亦付出好多，佢嘅無私精神令到大家好團結，好似一家人咁樣，我都有短訊同佢講，佢永遠都係我哋心目中嘅視帝，佢覆番我話多謝鼓勵。」
另外，洪永城被問與女友模特兒兼長跑教練梁諾妍首個聖誕怎樣過？他即露出冧樣，面紅紅說：「諗緊。（好Sweet？）唔錯！幾好。（會唔會突然公布婚訊？）呢啲好講Timing。（送咩禮物？）或者送部遊戲機畀佢一齊玩。」談到蕭正楠宣布與黃翠如已婚，身為翠如好友的洪永城表示事前不知情，覺得宣布的時間好好，不會怪責翠如沒有通知他，正相約聖誕聚會：「唔怪得蕭正楠拍《黃金有罪》心神恍惚，原來度緊呢件事，佢講完再開工就好似如釋重負！」又笑言送兩張澳門來回船飛作賀禮。
