「儲里數」孖城城鬥戲千嬅開工冇人理
楊千嬅首次與郭富城合演電影，她笑言以15分鐘跟城城經理人小美傾談，之後便決定接拍，更指與城城合作如儲飛行里數一樣。而城城亦指單看劇本，未知導演是誰已決定接拍。
藝人楊千嬅、郭富城、顧定軒、劉雅瑟昨日於澳門出席第三屆澳門國際影展《麥路人》記者會，千嬅透露片中飾演廟街歌廳歌手，因角色而接觸到本地文化：「拍呢部戲係郭富城經理人小美邀請我，佢話有個劇本好好但好急，佢用咗15分鐘同我講，我跟住就好匆忙咁入咗組。當然仲因為城城，同佢之前從未合作過，一合作就係咁沉重嘅戲，第一日入組時我好緊張，個個都唔同我講嘢，一踏入個場就投入咗去，搞到自己都好Sad。」
遇電話騙徒
千嬅笑言與城城合作如儲飛行里數一樣，笑言終有機會。問到有否因角色而影響情緒，她說：「都有啲低落，城城入晒戲，佢好專業同認真。不過我唔會抽離唔到，因為老公同個仔係我嘅人生鬧鐘，我任性或者疲累，佢哋會叫番醒我。」另外，她返港後即出席另一活動，並透露兩星期前在皇崗過關時收到騙徒電話：「個錄音通知我被禁制入境，真係離晒譜，如果個人虛虛地真係會信，我係第二次收到呢啲電話。」
變型格「局長」
而城城於記者會上指此片是近幾年最好的作品：「我當時喺康城參加影展，小美畀個劇本大綱我睇，我都未知邊個導演同監製，就講一定要接。」此外，他最近為「AIA Vitality 健康局長」拍攝廣告片，網民大讚他形象健康，以型格又幽默的演出風格帶出廣告主題。
【特派記者陳嘉敏澳門報道】