陳俞希咀又南慘被拮親！
陳俞希（Hailey）、黃奕晨（Dixon）和許博文（強尼）早前合作拍劇。Hailey回想在劇中跟黃又南激咀，結果卻被對方的鬚根拮痛！Dixon就指若拍親熱戲，女友Cheronna一定會監場，又笑指女友若肯向他求婚，他隨時可「嫁人」！
ViuTV藝人Hailey、Dixon與強尼以主持工作為主，早前三人卻踩過界合作拍攝劇集《已讀不回》，Hailey笑言跟黃又南親熱，比想像中尷尬：「係我螢幕初吻，有幕要喺尖沙咀街頭車廂激吻佢，佢一路揸車，我就一路咀佢，我哋架車不停兜圈，導演好肉緊嗌咀落去，成條街都望住，又南又冇剃鬚，咀到好痛。」Dixon與強尼即取笑她拍完親熱戲後，整個人容光煥發！
自誇廚藝出眾
跟組合Super Girls成員吳嘉熙（Cheronna）熱戀中的Dixon，被問到如果拍親熱戲，Cheronna可會詐型 ？Dixon笑說：「佢會在場睇住我囉，之前拍公司Promo，佢企喺度望住我。」拍劇之外，他亦有主持烹飪節目，還自誇廚藝不俗：「成日煮畀女朋友食。」Dixon坦言視女友為結婚對象，還搞笑指隨時可「嫁」Cheronna：「女朋友可以娶我，我準備好佢向我求婚■喇，但冇4卡鑽戒我都未必肯嫁畀佢。」之後才正經說：「暫時未有計劃住，大家處於好穩定嘅狀態，大家有認真討論過，佢唔細，我都唔細，我會考慮嘅，睇吓事業上發展成點，話晒佢都係偶像。」
強尼讚雯女氣場勁
已婚的強尼則笑指太太不會阻止他拍親熱戲，因為這是工作，貴為拍劇新丁的他最近就有機會跟陳錦鴻、鄧萃雯等合作新劇《婚內情》，他大讚鄧萃雯氣場勁：「平時大家好Casual一齊食飯 ，但一埋位佢個眼神好厲害，我好期待劇集出街，觀眾好耐冇喺電視劇見到佢兩個，我覺得好新鮮，期待出嚟大家嘅反應。」場地：銅鑼灣Mini Hotel