蔡潔為錢膽粗粗選美
樣靚又有演技的蔡潔坦言因沒自信，從未想過做演員，但去了澳洲讀書變得大膽，踏出第一步參加選美而入行！外表溫柔的她自爆不懂照顧自己，媽咪買來的食物，她永遠懶得煮！
演員蔡潔應東網巨星節目「海馬牌床褥特約」《閨蜜睡房》邀請擔任嘉賓，一連三集與主持人李惠儀（Kiwi）暢談內心世界。她透露從小都愛看電視及電影，但因沒有自信，所以從沒想過做演員，是去了澳洲讀書後才改變了一切，竟然大膽參加選美，笑言連自己都大跌眼鏡：「因為嗰度對我嚟講係一個好新嘅地方，冇咁多束縛，而且當時讀書冇乜錢，比賽又有獎金，加上有一班新朋友鼓勵。」
急搵男友照顧
講到入行以來做過一些很爆的角色，像與曾志偉在電影《香港仔》肉搏，蔡潔笑言連朋友都認不出她：「原來我唔同嘅扮相真係好唔同，咁樣對演員嚟講都係件好事。」
曾與王宗堯有過短暫情緣，現時單身的蔡潔坦言家人有催她拍拖，因擔心她在香港沒有人照顧，她亦自爆不會照顧自己：「媽咪成日會買好多嘢擺喺雪櫃，佢下一次嚟都仲係擺喺度，佢話點解你唔自己煲吓湯，我話係係係、煲煲煲，跟住一年之後仲係一樣。」她坦言恨拍拖，而擇偶條件很抽象，又自爆缺點及最頂唔順另一半的行為，想知道是甚麼？記得今個星期五、六、日收看《閨蜜睡房》！