歌手盧巧音（Candy）近日推出新歌《日落派對》，講述一個黃昏年齡的長者仍熱衷到蘭桂坊夜蒲的真人真事，她說：「收到份詞，覺得有啲邪，因為睇完覺得好熟，好似係我自己嘅歌。」她坦言喜歡玩，但不算貪玩，因酒量不好，故甚少夜蒲，但自爆曾出席狂野派對，大開眼界，她笑稱心裏住了一個老人家：「我喺屋企飲多啲，因為酒量唔好，塊面好快紅晒，好核突。」她亦坦言有點怕老，不排除微整型：「都會驚有啲皺紋，微調係OK嘅，睇吓有咩可以拉吓（皺紋），正常嘅老去有皺紋我覺得OK嘅！」
