張繼聰畀仔撞板切忌玩命

張繼聰與「哈鹿」提早感受聖誕氣氛。

11歲單拖搭車

提到阿聰的大仔張瞻已11歲，他稱親子遊戲由踢波進化到去看音樂節：「睇戲、睇模型，去啲年輕人多去嘅地方，好似旺角、銅鑼灣啦，佢都有問可唔可以約朋友出街，我都會畀佢試吓。（唔擔心咩？）全屋人都擔心，但都要畀佢試吓自己搭車，唔好只對住電腦，要有社交先得。」但面對細女張靖，阿聰卻雙重標準：「阿女就最好唔好嘞！」

講到幫小朋友選擇遊戲，阿聰稱會向兒子先灌輸四字真言「樂極生悲」：「唔好話小朋友，大人都係，玩乜都好，唔好玩到冇命，網上好多資訊，有啲人玩一層樓跳去另一層樓，要話畀佢知，睇好啦，有啲嘢唔玩得，唔好玩到冇咗條命。」他稱小朋友對世界感好奇，亦喜歡駁嘴，他明白父母不准，小朋友就愈想做：「要畀個空間佢錯，亦要保護佢，等佢唔好錯到翻唔到身，所以要有商有量，從小溝通同傾偈好緊要，我哋做父母係佢嚮導，話畀佢聽沿途有乜景點，有乜嘢買，但行唔行係佢哋自由，冇得逼人嘅，呢個先係正確做法。」

阿聰在活動上又與傻氣的「哈鹿」玩轉聖誕快樂工廠，並稱最喜歡場內設置的郵局，因寄出的Post Card會在明年指定月份才收到，對現今很少寄信或收信的人來說，別具意思。

張繼聰大受小朋友歡迎。

張繼聰同鹿女郎舉機玩自拍，吸引大批市民圍觀。