衛詩雅晒「特異功能」
忙於拍攝電影的衛詩雅（Michelle）早前從江門趕返港拍攝彩妝隱形眼鏡廣告，她表示曾有男友讚她眼睛識說話，經常戴不同顏色隱形眼鏡的她又自爆有「特異功能」：「正常人戴Con要用一隻手撐大眼睛，但係我可以唔使撐大隻眼，單手將Con擺入眼，所以我成日都炫耀自己戴Con比人快！」
電影要拍攝三個月至明年1月，所以Michelle無論生日、聖誕及元旦都要在內地開工，她直言很希望浪漫聖誕節有個男朋友：「我由細到大都有個幻想畫面，出面落住大雪，喺一間木屋入面有好大棵聖誕樹，我同男朋友喺火爐邊一齊睇書，好似拍緊戲一樣！」