古巨基日前接受娛樂新聞台節目《StarTalk》訪問，大談推出以香港情為主題的專輯感受，表示影唱片內頁時，回想以前住板間單位的感覺，左鄰右里十足家人般：「我細個好鍾意畫牆，當壁畫咁畫，學曾灶財寫字喺牆。」早前他開騷曾發生機關意外，明年4月舉行Part 2必定會多加留意，而該次意外令他變得長氣：「爸媽屋企多樓梯，提醒佢哋要互相照顧，例如古太，成日提佢行樓梯唔好睇手機！」
