w-inds.認「變態」開騷嗌肚餓！

千葉涼平（右起）、橘慶太及緒方龍一全晚又唱又跳，絕無冷場。

由主音橘慶太、千葉涼平及緒方龍一組成的日本跳舞組合w-inds.，前晚第10次襲港，假九龍灣國際展貿中心Starhall舉行演唱會，吸引大批粉絲捧場。三子全晚跳唱《四季》及《Dirty Talk》等26首新舊歌曲，歌迷不停揮動藍色螢光棒，唱到名曲《SUPER LOVER》時更將氣氛推到高峰。

涼平狂食小籠包

多次來港的w-inds.，全晚不停講廣東話，千葉涼平突然大叫「肚餓」與「勁肚餓」，但之後被緒方龍一踢爆吃了很多小籠包。至於橘慶太亦以廣東話打招呼：「大家好，我係慶太。」但發音似日文「變態」，全場歌迷跟住大叫「變態」，場面搞笑。

橘慶太發音唔正，變成「橘變態」。

w-inds.獲萬希泉公共關係及業務管理經理龔凱欣送上腕錶。

Encore時，歌迷舉起寫上「w-inds.&香港 無法取代的十年以及永遠」的手幅，慶太即用手機反拍粉絲，並約定明年再見。之後全場歌迷合唱生日歌，為上月中剛過生日的涼平，以及本月16日及17日生日的慶太及龍一慶祝。

另外，開騷前三子獲演唱會贊助商之一「萬希泉」送上陀飛輪腕錶，紀念第10次來港開騷的珍貴時刻。