姜皓文踩平衡車撻生魚
藝人姜皓文（黑仔）及林韋辰昨日到科學園出席單車活動，黑仔指太太會踩平衡車陪自己踩單車，又自爆試玩平衡車的瘀事：「撻生魚咁撻！好難！佢好快，仲可以上斜。我就撻到趴地，仲炒翻埋佢架車！（要賠？）梗係啦，你有冇做錯都要賠，冇辦法，佢主外，我主內！」工作方面，他表示正在無錫客串文藝片，要穿窄身西裝：「我自己買菜同魚返酒店烚，費事肚腩走出嚟！」
同場的溫碧霞穿Deep V現身，強調自己注重健康和心靈富足，多年來沒離開過娛樂圈：「不過依家對工作揀擇啲，要愛錫自己多啲。」她又透露聖誕節會放假到有陽光與海灘的地方玩，到時會影靚相在社交平台派福利。