李佳芯「視后」不求人攞親友手機谷票

藝人李佳芯（Ali）昨日與Fans到山頂行山，席間大會率先頒發「視后」獎座，預祝她於頒獎禮再下一城。Ali坦言受男友陳炳銓影響才愛上行山，對平復情緒有好大幫助，例如有時拍喊戲要逼自己喊，搞到情緒好差。她自爆試過拍畢劇集後抽離唔到角色：「喊足20集好辛苦！（點紓壓？）放空咩都唔好諗，有時你愈唔想諗就會愈諗。」
李佳芯拿着大會頒發的「視后」獎座，開心到見牙唔見眼。
李佳芯拿着大會頒發的「視后」獎座，開心到見牙唔見眼。

提到大會頒發「視后」寶座，問到可有加大其信心？Ali即撒嬌求饒話不要再問：「唔想將頒獎禮變成壓力，愈多人支持就愈唔想佢哋失望，有啲一直以嚟都唔出聲嘅人話有留意我，呢種開心係比攞獎更難得、珍貴。」更抵死笑話逼男友投自己一票：「用咗佢電話，之後可能攞晒屋企人個電話投，親力親為咁，多一票得一票！」

李佳芯與Fans行山，透過運動減壓。
  • 李佳芯與Fans行山，透過運動減壓。