江嘉敏劉穎鏇唔肯影水着

藝人江嘉敏（Kaman）及劉穎鏇（Tiffany）昨日出席聖誕活動，提到Tiffany的社交平台粉絲因熱播劇集《兄弟》而激增，可會派福利？她表示會多影靚相：「我同Kaman互相幫大家影。（影比堅尼相？）冬天我怕凍。」Kaman則自嘲沒睇頭：「唔好搞我啦！」對於有報道指無綫不想Tiffany與胡㻗發展，她大感愕然：「我由頭到尾都澄清我哋係好朋友，唔知點解作到咁多故事。公司唔會特別叫我哋見少啲，好明白我哋發生咗咩事。」而胡㻗揚言以後載她回家要避忌點，她指不知情，認為對方不想影響各自的工作。