曾志偉同無綫好番行動最實際
曾志偉早前倒戈亮相ViuTV講波，有指因此激嬲無綫遭封殺，但原來已「破冰」，答應擔任無綫慈善節目司儀。志偉揚言與無綫關係良好，兩、三個月前已落實出席，更指現時自由身，若時間許可及有興趣，不介意再合作。
與無綫回復友好關係的曾志偉昨晚擔任《歡樂滿東華》司儀，對於「破冰」一事，他拜神時笑指《東華》一直是他想做的節目，加上主席王賢誌一早邀請，及後他不斷調節時間，即使翌日要飛台灣開工，也騰出時間為慈善出力，更說：「《東華》同《港姐》我都好有感情。」
袁偉豪飛電單車
問到現時與無綫的關係？他說：「不嬲都冇咩特別，咁多年喺TVB。（之前話你成日幫ViuTV搞到封殺？）一路冇講呢啲嘢，因為講係冇用，行動表達係最好。（之後同無綫合作？）再睇啦。（有節目再搵你都得？）可以嘅，如果有時間同節目係想做，因為我唔再係無綫合約，想做番啲想做嘅嘢。」雖然志偉久未亮相無綫大騷，但畢竟經驗豐富，開騷時沒半點生疏，與老友陳百祥非常合拍。
今年節目不乏高難度表演，如袁偉豪飛車表演籌得60萬；陳曉華、鄧卓殷和陳苑澄等被吊高表演繩操，及後大傷未愈的楊盼盼壓軸上陣獻技籌款。而楊千嬅、周柏豪及田蕊妮等則唱歌出力，當中阿田Deep V上陣，問到是否做善事不介意賣大包？她大笑謂：「多謝用大包嚟形容我，咁讚我真係做善事，其實呢個打扮係襯我首歌啫！」千嬅與柏豪唱歌環節籌得30萬。
陳展鵬知BB性別
至於前乒乓球香港代表隊隊員陳展鵬，就與現役球員對打籌款，最後籌得30萬。他受訪時表示缺乏練習時間，問到是否要陪懷孕妻子單文柔？他說：「要啦！我就快要開劇，好多嘢準備，又要出埠。（知道仔定女？）知o架喇！但想賣關子。」