Eason榮幸涉抄：終於我有份！

Eason為新碟舉行分享會，獲張敬軒現身撐場。

前晚Eason舉行《L.O.V.E. in F.R.A.M.E.S.》放映及分享會，記載他與其DUO團隊的世界巡唱幕後花絮及灌錄《L.O.V.E.》大碟的製作過程，吸引張敬軒及大批歌迷捧場。問到由他作曲的新碟主打歌《可一可再》，被指旋律跟韓國歌手尹鍾信的《一月到六月》相似，他坦言曾聽歌求證，亦承認：「尤其第3句嘅旋律係幾乎一樣。」但否認抄歌：「之前係冇聽過呢首歌，寫完首歌以為似另一首英文歌，咁音符都係得12個，我哋唔係抄佢，我自己知咪得囉。」更搞笑說：「我係咪應該覺得榮幸？終於我有份，多謝！」

翻睇爛gag唔過癮

他又指睇紀錄片睇足4次，次次都有笑有淚、有不同感受，惟有一樣沒變：「唔係咁鍾意見到自己講嘢，有啲嘢唔係咁同意，我有啲搞笑位依家睇番唔覺得好笑。」問到老婆徐濠縈及囡囡可有睇過？他說：「老婆冇興趣睇，阿女忙緊考試！（咁冇興趣？）唔係，就好似我早前睇咗樂隊QUEEN改編嘅電影，睇完覺得好感動，我想講嘅係有時做音樂唔一定會即刻令人明白，樂迷鍾唔鍾意，每一個評論同批評我哋都會聽，當然有時覺得唔好嘅係有啲字眼太攻擊性。」至於已故歌手盧凱彤亦是DUO成員之一，他直言至現時仍掛住對方。

貪玩的Eason在現場的布景板上，破海報而出，相當搞笑。	徐濠縈昨日在淺水灣練跑時不慎仆倒，跌到滿手傷痕。	徐濠縈感謝救護員幫忙。

徐濠縈跑步擦傷

此外，向來是跑步「發燒友」的徐濠縈，昨日跑步時不慎擦傷手腳，並在社交網晒出相片，留言：「我真的受傷了，跑往淺水灣途中在修路的地方不小心跌倒！感謝救護站的救護員幫我清潔傷口，我先可以繼續跑！」她又指今次並非首次弄傷，難怪不少網民叮囑她跑步時要小心，更笑言會弄花其靚指甲。