歌手曾樂彤日前為無綫節目《StarTalk》擔任嘉賓，大談由KOL轉型為2018年樂壇新人的感受。作為今年熱門新人之一，她直言要對自己有信心：「金銀銅獎要我揀嘅話，我希望得金獎，獎項係延命符，希望下年繼續有得做，至於銀獎同銅獎就好難揀。我入行前已經同小花譚杏藍、戴祖儀同劉卓軒等一班新人好Friend，我哋私下講嘢好直接會互寸，所以希望大家可以一齊攞獎。」
