張智霖攬到缺氧遭薛家燕頂親

薛家燕前晚在紅館完成一連兩場《薛家燕愛你無限60年演唱會2018》,尾場表演嘉賓星光熠熠,張智霖(Chilam)以「初哥哥」造型現身,被家燕熊抱時遭「頂心口」;至於譚詠麟(阿倫)更自備「大粒癦」黐額頭,全場爆笑。

前晚家燕個唱尾場,邀得阿倫、Chilam、草蜢及鄭欣宜助陣,吸引好友徐小鳳、劉松仁、羅霖及樂易玲等捧場。家燕自爆圈外男友睇足兩晚,更坐頭排握手。而Chilam以「初哥哥」造型現身,家燕大爆他「闊佬」,當年在馬來西亞登台時請她吃價值6,000元的魚:「我咁大個女都未食過咁滑嘅魚,仲滑過我啲肉。」他即表示要送上最長最暖的擁抱,二人緊緊擁抱了十多秒,家燕笑說:「攬完有啲暈陀陀。」Chilam即讚她身材好:「我直情缺氧,被你頂親!」

阿倫自備大粒癦

阿倫出場時與家燕拖手合唱《愛人女神》,家燕笑指自己唱歌時,對方還未出世,他即笑言能叫前輩的人已沒幾個。之後他從袋中拿出假癦來黐在額頭:「呢粒癦如有神助,並唔係等閒之輩,今時今日如果能夠可以放射出嚟好似激光,效果仲厲害。」而草蜢於Encore時現身,與家燕大跳《忘情森巴舞》,之後更一齊跳「十字步」,全場氣氛熱爆。

「咁嘅年紀結乜婚」

慶功宴上,家燕稱鬆了口氣,今次開騷畢生難忘。提到「七公主」指她不介紹男友給她們認識,她笑言:「會安排吓。」之後認真說:「坦白講我唔會再結婚,都咁嘅年紀仲結乜婚。(清純嘅愛情?)係呀。」並稱之後會與男友和子女到日本旅行。