啤梨掟400萬買樓畀老婆揸手
新城DJ葉文輝（啤梨）的太太Michelle早前被指出軌，但他依然投信任票，更掟400萬買物業冧太太，連在港市值800萬的私樓，密密做賺逾千萬身家！
12月3日是啤梨與Michelle的結婚一周年紀念，據知「廿四孝老公」送上價值約400萬港元的加拿大物業給太太作為「紙婚」禮物，力證兩人情不變！昨日，啤梨受訪時直認置業，但強調與太太無分彼此：「當係送畀大家嘅結婚禮物，已經一家人冇話邊個送畀邊個，唔好講到我係土豪咁！我都係畀咗幾十萬首期，要供到死嗰日o架！」
為供樓乜都撈
問到為何不在港買樓？啤梨坦言樓市實在太癲：「我就冇本事喇！咁太太係加拿大籍，可以喺當地置業，見個單位喺多倫多市中心金融區，400萬有600呎兩房單位，比香港抵咪買囉！依家仲係樓花，出年先收樓，打算租出去作投資。」
突然隔山買樓，莫非想移民或退休？啤梨否認為此鋪路，自言有排做：「依家又要供樓，所以要更加努力搵錢先得，家陣乜都做！唱歌、拍戲、做MC乜都接。」問到可有其他驚喜？他表示要搵錢至上，就算結婚紀念日都有工作在身，故提早一晚與太太食日本菜及做Spa慶祝，難道鴛鴦共浴？他說：「唔係！只係做按摩啫！」