黃芷晴認母患血癌換骨髓康復中

媽咪梁潔華情況理想，芷晴與父親黃日華都鬆口氣。

藝人黃芷晴昨日身穿中空喱士裙出席活動，同場的前港姐龐卓欣亦低胸現身。問到媽咪梁潔華的病況，芷晴透露媽咪做了骨髓移植手術：「媽咪唔係復發，今年8月底做咗個療程，係醫生建議嘅，係醫血癌最好嘅方法，就係接受骨髓移植。其實幾年前醫生都建議過做，今年搵到適合嘅骨髓，不過唔知係邊一個，好多謝佢。」她指媽咪現時情況OK，需定期覆診，正在家中休息，全家人都放下心頭大石：「佢已經休息咗三個月，爸爸生日就係佢出院嗰日。」

芷晴又突然自爆與男友Jimmy分手，她說：「我哋一個月前分開，呢兩年半裏面，我哋嗌交時間比較多，大家都攰，執着唔同嘢，所以不如分開。」她自言心情OK，不急於結婚，亦未準備認識新男友。

翠如被男友「禁飛」

同場的黃翠如剛與女友人到澳洲旅遊，更以「亂咁嚟」形容此行！第一晚由於找不到地方住，二人竟在森林跳上一個「哥哥」揸的貨斗車，她說：「原來佢一家人買咗山頂，喺嗰度起咗三間木屋租畀人住。」又笑言男友蕭正楠見她每次都「大難不死」，已不再擔心。她又笑言本想趁開工前再飛一次到馬來西亞玩，但男友不准許：「佢話如果只可以兩個揀一個，佢都驚我會揀我個朋友，冇辦法，我哋經歷太多，分離唔到。」

梁潔華、黃日華	龐卓欣即場設計朱古力聖誕卡。	翠如密密與好姊妹去旅行，被男友蕭正楠詐型。