馬德鐘𢱑拍處境劇

無綫劇集《跳躍生命線》演員馬德鐘、張曦雯、劉佩玥等前晚到尖沙咀飯局為劇集高收視慶功，亦為台慶頒獎禮拉票。馬德鐘被問到開續集或前傳可有眉目？他笑說：「我一路有問監製，但佢一路迴避我，其實仲有好多大場面可以拍，套劇好似同觀眾一齊生活咁，或者好似處境劇每日播半個鐘都得。」馬德鐘坦言爭「視帝」心情平靜，多謝觀眾支持，若攞到獎當然開心，沒獎也會戥人開心。講到張衞健主演的《大帥哥》首播口碑不錯，他覺得是好事，希望對方收視能超過自己，可以推動觀眾看電視的氣氛。